آخر تحديث: أبريل 2024
لازم يكون معاك الـ 30% Ruling ... ودي الخطوات:
- اعمل ال Health Declaration على موقع CBR حتدفع فيها حوالى 41.5 يورو. (ده اونلاين كده شوية اسئلة تجاوبها انك صحى ومعندكش اى حاجات تمنع السواقة وبيجيلك نتيجته عالبيت او نطبعه عالنت)
https://www.cbr.nl/nl/rijbewijs-houden/nl/gezondheidsverklaring.htm
- ترجم الرخصة المصرية للانجليزى عن طريق مترجم محلف بحوالى 40 يورو.
- احجز ميعاد استبدال رخصة فى الخيمنتا (من بدري؛ دي اول خطوة تعملها) وحتدفع حوالى 42 يورو
الورق اللى تاخده معاك فى ميعاد الخيمنتا:
- أصل الرخصة المصرية
- ترجمة الرخصة المصرية (حتتبعتلك عالبريد من المترجم)
- جواز السفر او الاقامة
- ورقة قرار ال 30% بتاعك (شركتك بتبعتهالك او اسأل الHR عليها)
- صورتين شخصيتين تكون متصورهم هنا (صور مصر مبتنفعش، لازم بالمواصفات الأوروبية، ممكن صور الفيزا)
الحوار كله إن شاء الله حوالى 120 يورو.
بعد الميعاد اللى حتقدم فيه الورق الرخصة الهولندية حتجيلك على الخيمنتا اللى قدمت فيها بعد ٣ اسابيع تقريبا، لما الرخصة توصل الخمينتا حيبعتولك ايميل و تقدر فى اى وقت تروح تستلمها بدون ميعاد.
والرخصة المصرية حيبعتوهالك على السفارة المصرية، تبقى تروح تاخدها من السفارة بعد ما تستلم الهولندية بشهر مثلا ولا حاجة عشان تضمن انها تكون وصلت.
وبالنسبة للزوجة
لو زوجتك جت معاك وانت الsponsor ليها (والعكس صحيح بردو) فهي تقدر تبدل الرخصة بردو:
- تملى ال Health Declaration على موقع CBR بردو.
- ترجم الرخصة المصرية للانجليزى عن طريق مترجم محلف.
- احجز ميعاد استبدال رخصة فى الخيمنتا اللي انتو الاتنين كpartners متسجلين عليه.
الورق اللى تاخده معاك فى ميعاد الخيمنتا:
- أصل الرخصة المصرية بتاعت زوجتك
- ترجمة الرخصة المصرية (اللي حتتبعتلك عالبريد من المترجم)
- جواز السفر او الاقامة
- ورقة قرار ال ٣٠٪ بتاعك انت كsponsor
- صورتين شخصيتين (صور مصر مبتنفعش، لازم بالمواصفات الأوروبية؛ ممكن صور الفيزا)
لو الاسم مختلف
لو اسمك في الرخصة المصرية مش نفس الحروف بالظبط زي اللي في الresidence permit الهولندية، يبقى ممكن تخلي المترجم يكتبلك الاسم السليم. انا الاسم الانجليزي كان عندي في الرخصه غير مطابق للي مكتوب في الاقامة الهولندية، حروف كتير مختلفه، فخليت المترجم يكتب زي الاسم اللي في الإقامة.
للمترجميين
دول مترجمين محلفيين:
- تقدر تبعت e-mail إلى أ.نبيل: (تكلفة حوالي ٤٠ يورو)
[email protected]
- ابعت إلى أ.يوسف عالواتساب أو كلمه: (تكلفه حوالي ٢٦ يورو)
+31646207172
استلام الرخصة المصرية من السفارة
بتاخد الرخصة بتاعتك من السفارة المصرية في مدينة لاهاي (مدينة Den Haag) : Ambassade van Egypte
070 354 2000
https://maps.app.goo.gl/VHMszd4Dcbi2dmCx6
- السفارة مش بترد عالتليفون خالص، وبيردوا لو بعتلهم عالمسنچر عالفيسبوك بعديها بكام يوم
https://www.facebook.com/profile.php?id=100064817678026
- انت مش محتاج معاد عشان تستلم الرخصة. والاستلام بيبقى اخر اليوم اللي هو الساعة ١٢ الضهر. الافضل انك تحاول تتواصل معاهم من خلال الماسنچر الأول تتأكد ان الرخصة وصلت قبل ما تدب المشوار عالفاضي. ممكن حد يستلمهالك معاه لو رايح المشوار.
- بص في البوستات بتاعتهم لانهم بياخدوا اجازات مصر واجازات هولندا! عشان بردو متدبش المشوار عالفاضي.
استلام الرخصة المصرية بالبريد
لو حد بدل رخصة القيادة المصرية بالهولندية، و عايز السفارة تبعتله الرخصة المصرية على البيت، يعمل كدة:
- يبعت للسفارة المصرية في هولندا على نمرة الواتساب يسألهم إذا كانت رخصته وصلتلهم ولا لأ. هيبقو عايزين صورة الرخصة الهولندية وش و ضهر كإثبات شخصية. ممكن تصورهم بالموبايل عادي و تبعتهم على الواتساب.
- لما يتأكد إن الرخصة وصلتلهم، يعمل اللي جي.
- يشتري ظرف كبير و ظرف صغير (موجود في ACTION) .
- يشتري ٢ طابع بريد (موجود في ALBERT HEIJN).
- يلزق طابع على الظرف الكبير.
- يلزق طابع على الظرف الصغير.
- يكتب عنوان السفارة على الظرف الكبير.
- يكتب عنوان بيته على الظرف الصغير.
- يطبع صورة الرخصة المصرية وش و ضهر لو متاحة.
- يطبع صورة الرخصة الهولندية وش و ضهر.
- يكتب ويطبع ورقة طلب مكتوب فيها مختصر عن الموضوع، كمثال:
Dear,
I had replaced my Egyptian driving license with a Dutch one and I already confirmed that you got my Egyptian driving license. I am sending you this letter to ask to send me back my Egyptian driving license.
Please find enclosed:
-
An envelope with my address on it to use
-
A scanned copy of my Dutch driving license as a proof
-
A scanned copy of my Egyptian driving license as a proof
You can contact me through:
In case of any inquiries please do not hesitate to contact me.
Thanks in advance.
Best regards,
xxxx
- يضع الظرف الصغير، و صور الرخصة المصرية و الهولندية، و ورقة الطلب داخل الظرف الكبير.
- يلقي بالظرف الكبير في صندوق البوسطة.
من مصدر أجنبي
-
Go to cbr.nl and apply for foreign license exchange. It costs 33 euro or something, and it's done online (you'll need your DigiD). You can do it via mail, too, by going to gemeente (you buy the form there and send it via mail)
-
Get translations for your driving license (Arabika at Overtoom costs 30 euro). It's important to have the name matching either your passport or your residence permit (the translation people will ask you).
-
After CBR replies (via mail), go to your gemeente with the following: - Original driving license and its translation. - The 30% rule approval. - Your passport and residence permit. - 2 new photos of you. The gemeente application cost like 47 as far as I remember. After 2-3 weeks, if everything goes well, you'll get a mail from the gemeente for collection
مصادر خارجية
للاستزادة، دي مصادر إضافية للمعلومات:
https://www.rdw.nl/over-rdw/information-in-english/private/driving-licence/can-i-exchange-a-foreign-driving-licence
https://www.cbr.nl/nl/mijncbr/inloggen-op-mijn-cbr.htm
https://www.rdw.nl/over-rdw/information-in-english/private/driving-licence/medically-fit-to-drive-a-vehicle