فهم القراءة:
مثلا: فيه اشخاص بتقرأ حاجة لطيفة لتهدئة اعصابها.
مثال اخر: قرأءة دواعي استعمال أو الاعراض الجانبية لبعض الأدوية.
او مثال اخر وصفة للطعام.
او مثال اخر تعليمات استخدام جهاز جديد او الأخبار اليومية.
احنا تقريبا طول اليوم بنقرأ.
طبعا اكيد هيكون الموضوع ده بفايدة لو فاهمين ال احنا بنقرأه، وبالاضافة لكده اكيد عندنا هدف من قراءة المحتوي. يعني لما بنقرأ المحتوي مع الدواء، أكيد مش علشان نهدي اعصابنا. وطبعا نشرة الاخبارية اكيد مش هدفي منها اني هحصل علي معلومة تفيدني في تشغيل فرن جديد او جهاز جديد عاوزة افهم اشغله ازاي.
هنا طبعا من المهم اني اعرف ازاي اتعامل من النصوص المختلفة.
في المدراس بيتم اعطاء الكتير من الاهتمام لفهم القراءة (Begrijpend lezen) ... وكأولياء أمور علينا دور كبير تجاه الأطفال في الموضوع ده.
المساهمة في مهارات القراءة للأطفال
وهي باللغة الهولندية De leesvaardigheden ... ماهو المطلوب لفهم النص بشكل جيد؟ يوجد ٣ اشياء علشان نحقق ده:
الثلاث اشياء دول هي شروط اساسية للقدرة علي قراءة النص وفهمه.
1. مستوي القراءة الفني/ التقني Technisch leesniveau
هنا بيعرفنا مدي اجادة الطفل للقراءة بشكل مستقل، وتاني حاجة كمان ، النص ال انا بقرأه مع الطفل يتناسب مع مستواه في القراءة ولا لا. لو الطفل بيقرأ نص من الناحية الفنية/ التقنية لا يستطيع قراءته
هنا هيكون مشغول بس بفك رموز الحروف والكلمات ، ده طبعا هياخد وقت كبير بالاضافة لكده مش هيكون عنده مساحة في عقله لفهم ال بيقرأه.
علشان كده لازم نستخدم نص يكون مفهوم للطفل من الناحية الفنية، ازاي نعمل ده: هاوصل له في نهاية الموضوع.
**2. معرفة العالم Kennis van de wereld **
في عقولنا معرفة، ولما نكون عاوزين نضيف معرفة جديده لعقلنا، بنبحث بدون وعي في عقلنا عن شئ نعرفه عن المعرفة الجديدة دي، فابنقوم بربط المعرفة الجديدة بالمعرفة الموجودة. بالشكل ده بيمكننا تذكر المعلومات الجديدة بشكل افضل.
الأطفال اللي عندهم معرفة كثيرة حول العالم بيمكنهم إجراء الإتصالات دي بسرعة وسهولة (ربط المعلومة الجديدة بالقديمة)، وده سبب انهم بيقدروا يفهموا النص وكمان بإجادة. علشان كده مهم جدًا ان احنا نعرف اطفالنا كثير من المعرفة حول العالم (في نهاية الموضوع هنعرف ازاي).
3. مفردات لغوية كبيرة Een groot woordenschat
لما الطفل يعرف الكثير من الكلمات، بيسهل عليه قراءة النص وفهمه. الطفل اللي عنده حصيلة كلمات صغيرة، بيكون مشغول اثناء القراءة بشكل كبير بمحاولة معرفة معنى الكلمات، طبعا ده هيكون علي حساب فهم نص الموضوع. لو عاوزين نفهم النص، من المهم ان احنا نعرف كلمات كثيرة وطبعا معناها.
ازاي تساعد طفلك في فهم النصوص بشكل افضل؟
اعطاء وقت كافي وانتباه للثلاث نقاط آل ذكرتهم في اول الموضوع.
بالنسبة لتقنيات القراءة Technisch lezen
الاستمرار في القراءة مع الطفل بصوت مسموع (ياريت الناس ال مش لغتهم الهولندية مش زي العربية يشوفوا حد هولندي يقرأ للأطفال او عن طريق كتاب مسموع).
وبما اننابنتكلمفي موضوع القراءة فا لازم نكون علي علم بـ AVI:
Analyse van individualisering أو تحليل بشكل فردي / تحليل نماذج التفرد
نظام تم تطويره من متوسط نمو القراءة للأطفال، لقياس مهارات القراءة للأطفال ... يمكن أيضا تحديد مستوي صعوبة النص عن طريق مستوي ال AVI اللي صنفوه كالتالي:
ملحوظة: ناخد بالنا لما نكون بنستعير كتب من المكتب من الجزئية دي (مستوي قراءة طفلك). مثلا Avi E6
معناها مستوي الطفل في القراءة في نهاية جروب ٦ .... Avi m 6 معناها مستوي القراءة للطفل في نصف جروب ٦
والنظام ده بيساعدنا علي أختيار المستوى المناسب للقراءة لطفلي ... المدرسة بتبدا من Avi start للأطفال ال بيبدءوا يتعلموا القراءة جروب ٣ Avi start M3 - E3 ... وطبعا ممكن فيه طفل يقدر يقرأ مستوي اعلي من مستواه، وطبعا الاطفال يقدروا يقرأو المستوي ال هما يقدروا يفهموه ومحتوي لطيف ومناسب لهم ... اكيد فيه فروق فردية في الموضوع.
علي جميع كتب الأطفال تقريبا موجود هذا الموضوع Avi ... وطبعا من المستحسن ان الطفل يقرآ بصوت مرتفع
ويكون مستوي النص مناسب له في القراءة. وطبعا من المهم ان اولياء الامور يقرأوا للطفل (من المهم اللغة الام لاتهمل)، ونشوف حد هولندي يقرأ لهم او حد يجيد اللغة الهولندية او الكتاب المسموع.
اكيد الطفل هيستفاد كتيير من طريقة الكبار، وإزاي بنقرأ الجملة وإزاي بنقرأ مقطع مضحك او مقطع مشوق او مقطع فيه تعجب ، وكمان الكلمات الصعبة أو الجديدة وازاي بننطقها. بكده هنساعد اولادنا يحلفظوا علي مستواهم الفني في القراءة ، وهيكون دايما في احسن واجادة .
معرفة العالم Kennis van de wereld
وزي ما قلت قبل كده معرفة العالم ترتبط ارتباط وثيق بالفهم الجيد للنص، تزيد من معرفة طفلك بالعالم من خلال الكلام مع الطفل ... اتفرجوا مع بعض علي نشرة اخبار الاطفال والشباب Jeugd journaal واتناقشوا في ال شفتوه في النشرة مع بعض ... اسألوا مثلا ليه بيحصل او حصل ده، الاشياء ال ورا الموضوع ده، عواقب الموضوع ده، رأيك في ال حصل ده، ولي الامر يقول رأيه طبعا ... بالطريقة دي الطفل هيفهم العالم بشكل افضل وهو نفسه هيربط الاحداث ويعرف ويفهم وكمان زيادة هنا احنا بنبني شخصية الطفل.
لمعرفة العالم ممكن نعمل حاجة تانية: اخرجوا مع اطفالكم، اركبوا العجل واتكلموا في اللي بتشفوه علي الطريق، عرفوهم ليه الحاجة دي كده، المكنة دي بتشتغل ازاي او المية دي كتيير هنا ليه، او مثلا انخفضت مستويات المية في المكان ده ليه او العكس. أو مثلا تاريخ مصنع قديم وليه تم غلقه او ليه بقي متحف. او ليه ال Rotonde معمولة كتيير في هولندا ... اشرحوا له عن الطيور واسماءها (والناس اللي مش عندها معلومات كافية ، تقدر تقرأ وتعرف مع اولادها ويبحثوا سوا) ... اشرحوا للطفل عن الأشجار ذات الاوراق المتساقطة والأشجار الصنوبرية في الغابة واختلاف الاشجار واشكالها بتختلف علي أساس ايه.
ومرة تانية لو أحنا كأولياء امور مش عندنا المعلومات الكافية نثير فضول الطفل ونشجعه بطريقة لطيفة لحب الفضول والمعرفة.
حاجة ثالثة: مثلا نستعد لرحلة او الذهاب الي مدينة ملاهي او متحف ، وطبعا نهئ نفسنا وطفلنا قبلها طبعا
ازاي نعمل كده:
اولا: ايه هي وسيلة المواصلات ال هنستخدمها للوصل لوجهتنا
ثانيا: قيمة الوسيلة سواء بنزين للعربية أو مواصلات
ثالثا: ايه هي الحاجات ال هنقدر نعملها في المكان
رابعا: هل هناك جولة ارشادية مع حد متخصص ولا بدون
خامسًا :هنتعلم ايه من هناك او اهدافنا ايه من اليوم ده هناك
سادسا: ايه ال اعرفه عن المكان ال رايحين له
يمكنكم ان تجعلوا الطفل يجهز للرحلة دي عن طريق اشراكه في ترتيبات الرحلة ... وبكده بالطريقة دي يتعلم الطفل اشياء كتيير عن العالم ، وفي نفس الوقت بدون قصد وبدون ترتيب ستساعدوا اطفالكم في فهم القراءة Begrijpend lezen ... اسفة جدا لطول الموضوع ولكنه مهم لاطفالكم بجد وهتساعدوهم اكيد.
المفردات اللغوية Woordenschat
عدد الكلمات او المفردات التي يعرفها طفلك ستزيد دائما عندما يتعرف علي كلمات جديدة بانتظام، وطبعا كاولياء امور لكم دور في هذا ... مثلا هنرجع تاني لموضوع الرحلة او قضاء يوم ظريف، مثلا التحضير للرحلة مع بعض ... لو مثال كانت الرحلة الي متحف ودخلتم عل الصفحة الإلكترونية للمتحف مع بعض، بكده الطفل سيصادف الكتيير من الكلمات الجديدة. وممكن نزيد من المفردات اللغوية عند أطفالنا بإستخدام كلمات اعلي بقليل من مستوي الطفل ولكن طبعا مش باستمرار.
في كتيير من الأحيان بنترجم الكلمات الصعبة الي لغة اطفال علشان يفهمها الطفل ونتيجة كده بنحرم الطفل من فرصة تعلم كلمات جديدة ... مثال: لو الطفل بيبكي، مانسألوش ليه بتبكي ولكن نقول له انا شايفاك بتبكي، ليه بتشعر بإحباط Waar ben je teleurgesteld؟ ايه ال مخليك حزين Wat maakt je zo droevig؟
الغرض من الكلام ده استعمال مفردات لغوية جديدة علي الطفل ... لان الطفل بيربط الكلمات الجديدة الصعبة بالكلمة المألوفة، وبكده هيفهم ان معني الكلمة الجديدة له علاقة بشعوره الحالي، اللي هو الحزن أو الانزعاج ... طبعا عند أستعمال كلمة جديدة تاخد بالنا ان بقية الجملة تكون مفهومة للطفل.
فهم القراءة واستراتيجيات القراءة
طبعا فهم القراءة مش موضوع الطفل يمكن القيام به لوحده ولكن لما نتكلم مع اطفالنا ونتشاور مع بعض، فيه اشياء لازم نعملها مع اولادنا ... لازم يكون فيه مجال للممارسة + البرنامج المناسب بالتلفزيون: النص المناسب + رحلة مناسبة
مثال: اكيد لازم نختار وتكون عندنا خيارات مناسبة زي:Jeugdjournaal - Het klokhuis - SchoolTv
البرامج دي صممت علشان تزيد معرفة الأطفال بالعالم والمفردات وهنحقق اهدافنا، يعني نتابع مع الطفل ونتناقش في المحتوي ونسأله رأيه.
الاشياء الاخري الضروريه: المجلات والجرايد المناسبة لاطفال المدراس:
فيه كمان متاحف ظريفة للأطفال
Het Kinderboekenmuseum
https://www.museum.nl/nl/kinderboekenmuseum
Het Nederlands open luchtmuseum
https://www.openluchtmuseum.nl/hoevrijbenjij?gclid=CjwKCAjwkaSaBhA4EiwALBgQaG_mCNwNH0beFUG3vWlyByjWTKVAOtSzYflhqWszjsXl15PMm7azHxoCCJUQAvD_BwE
باختصار - لتحسين فهم القراءة:
دايما تواصلوا مع اطفالكم
وبالتوفيق للجميع
تحياتي: ابتسام العرباوي