إجابة نادر عمرو يوم 08-06-2023:
Procedures for Wife's Relocation
-
بعد كتب الكتاب، المأذون بيوثقه في العدل (بياخد اسبوعين ل ٣ ) حسب شطارة المأذون، وبيطلعلك القسيمة العربي.
-
بعد ما توصلك القسيمة العربي، روح طلع "قسيمة زواج انجليزي" من قسم الترجمة فى السجل المدني بالعباسية؛ تقدر تطلعلك في نفس اليوم.
-
طلع "شهادة ميلاد انجليزي" لزوجتك من نفس المكان (السجل المدني بالعباسية) أهم حاجة تكتب اسم الأم زي ما هو مكتوب فى باسبور الأم.
-
هتروح مكتب توثيق الخارجية عند الميريلاند في مصر الجديدة عشان توثق الورقتين (يعني تاخد ختم الخارجية على كل ورقة)
- لوكيشن مكتب توثيق الخارجية : https://maps.app.goo.gl/UoisAm4b4owZcbuA6
- تقدر تروح يوم من أوله بدري تطلع قسيمة الزواج الانجليزي + شهادة ميلاد الزوجة الانجليزي وتروح على مكتب الخارجية تاخد ختم الخارجية عالورقتين، كل دا في نفس اليوم.
- هتروح السفارة توثق الورقتين:
- هتكلم الشركة بتاعتك هتطلب منك تعمل scan للورقتين مختومين ختم الخارجية والسفارة، وحتملى كام استمارة تانين وحتبعتلهم الورق دا ممضي scanned.
- كلم الشركة بتاعتك من بدري قبل ما تنزل تكتب الكتاب عشان يعرفوك محتاج ايه بالظبط فتجهزوا وتبعتلهم علطول ان شاء الله.
-
هما هيقدمولك و ممكن يدفعوا هما ال fees
-
الشركة المفروض حتبلغك بميل لما بيعتوا الapplication بتاعة زوجتك للIND بعد ما يعملوا check انه كل الاوراق المطلوبة جاهزة وتمام.
- ممكن تتابع بنفسك الapplication status بتاعة زوجتك عند الIND باستخدام الDigiD بتاعك من اللينك دا:
https://ind.nl/en/my-ind
- ممكن بردو تكلم ال IND عالرقم دا تسألهم عن أي حاجة:
+31 88 043 0460
تقدر تكلمهم وتسألهم هل فيه حد بدأ يشتغل عالابليكيشن بتاعة زوجتك ولا، انصحك تكلمهم كل اول اسبوع او اخر الاسبوع تتابع الدنيا ماشية ازاي.
- رسمياً الIND معاهم ٣ شهور عشان يوافقوا بس الموضوع بياخد حوالي من ٤ الى ٦ اسابيع مثلا وبيكونوا بعتوا الموافقة، ممكن اكتر وممكن اقل.
- لما تيجي الموافقة من الIND، الIND حيبعتوا لشركتك وشركتك حتبعتلك جواب الموافقة. بعديها حتاخد معاد في السفارة في مصر اسمه MVV family appointment، وزوجتك حتروح وحتاخد معاها جواب الموافقة بتاع الIND اللي شركتك بعتتهولك مطبوع + الباسبور بتاعها + صورة شخصية بالمواصفات الهولندية + تملى الMVV issue form وتروح تسلمهم الحاجة دي في السفارة، وبعد maximum ١٠ ايام عمل حيدوها الباسبور وعليه الMVV Visa Sticker بصلاحية لمدة ٣ شهور.
- يُفضل لو مستعجل، انك تاخد معاد السفارة بتاع الMVV بدري شوية حتى قبل ما موافقة الIND تيجي، ولو مجتش الموافقة قبل معاد السفارة عادي بتعمل reschedule لمعاد السفارة وتاخد معاد تاني بعديه.
- ولو ملقتش معاد في السفارة اونلاين خالص بعد ما موافقة الIND جت، ابعت للسفارة عالميل بتاعهم ([email protected]) وقولهم انك مش لاقي معاد اونلاين ومحتاج معاد ضروري عشان الموافقة جت ومواعيد الطيران وكدا، وهما بيردوا بسرعة وحيدوك معاد استثنائي تسلم فيه الباسبور والحاجة، واصلا تسليم الحاجة في معاد السفارة بياخد اقل من ١٠ دقايق، فالموضوع بسيط.
وربنا يوفقكم ان شاء الله.